എന്റെ ജ്യേഷ്ടന് എഫ്ബീയിലെ ഇന്നത്തെ വിന്സ്ടന്ജി ഒരു കാലത്ത് ജോണി യോഹന്നാന് എന്ന വ്യാജ പ്രൊഫൈലില് ,യൂത്ത് കോണ്ഗ്രസ്സിന്റെ ശാന്തി പണി ചെയ്യുന്ന കാലം
അതൊക്കെ വിട്ടു അങ്ങ് ദുഫായില് ഷേക്കിന്റെ ഇടംകൈ ആയി പോകുമ്പോള് എനിക്ക് കുറെ ഖദര് മുണ്ടുകള് സമ്മാനിച്ചു..ഞാന് അതൊക്കെ ധരിച്ചു അന്നത്തെ 2 രൂപ മെമ്പര്ഷിപ് പുതുക്കാതെ കൊണ്ഗ്രസ്സുകാരനായി നടപ്പായി
അങ്ങനെയിരിക്കെ ഒരു തെരഞ്ഞെടുപ്പില് ഞാനും മറ്റു ചിലരും വിഭാഗീയ പ്രവര്ത്തനം നടത്തി എന്ന് ആരോപിച് അന്നത്തെ DCC പ്രസിടന്റ്റ് ശ്രീ .വീ എസ്.ശിവകുമാര് എന്നെ കൊണ്ഗ്രസ്സില് നിന്നും 6 വര്ഷത്തേക്ക് സസ്പെന്ഡ് ചെയ്തു ഉടനെ ഒരു തെരഞ്ഞെടുപ്പു വന്നതിനാല് സസ്പെന്ഷന് കാലാവധി തീരാന് വെറും 6 വര്ഷം മാത്രം ബാക്കിയുള്ളപ്പോള് എന്നെ തിരികെ എടുക്കയും ചെയ്തു .അംഗം അല്ലാത്ത ഒരാളെ പുറത്താക്കാനും അകത്താക്കാനും അന്നേ മിടുക്കനാണ് ശിവകുമാര്
തുടര്ന്ന് തെരഞ്ഞെടുപ്പു കമ്മിറ്റിയില് ആര്ക്കും വേണ്ടാത്ത കമ്മറ്റിയുടെ മാനേജിംഗ് ഡയരക്ടര് ,പടിഞ്ഞാറിന്റെ പാത്രിയര്ക്കീസ് ,കിഴക്കിന്റെ വെനീസ് തുടങ്ങിയ ആലങ്കാരിക പദവികള് നല്കി എന്നെ തെരഞ്ഞെടുപ്പു ഗോദയില് ഇറക്കി
പ്രചരണം കഴിഞ്ഞു ,പോളിംഗ് പുരോഗമിക്കവേ എന്റെ ചുമതലയില് ഉള്ള ഒരു ബൂത്തില് ചില്വാനം ബഹളം പടിഞ്ഞാറിന്റെ പാത്രിയര്ക്ക എന്ന നിലയില് ഞാന് ഇടപെട്ടു ഒരു കൊണ്ഗ്രസ്സുകാരന്റെ വോട്ടു കോണ്ഗ്രസ്സിന്റെ എജന്ടന്മാര് ചലഞ്ച് ചെയ്തിരിക്കുന്നു വോട്ടര് ശുണ്ടിയിലാണ്.ഞാനും കൊണ്ഗ്രസ്സുകാരന് തന്നെ എന്നൊക്കെ പറഞ്ഞു നല്ല ഫോമിലാണ് പുള്ളി ഞാന് അനിയാ......,,ചേട്ടാ .......,അമ്മാവാ ..........എന്നൊക്കെ വിളിച്ചു അനുനയിപ്പിക്കാന് നോക്കുന്നുണ്ട് ഒരു രക്ഷയുമില്ല ഗതി കെട്ട് ഞാന് ചോദിച്ചു,നിങ്ങളുടെ പേരെന്താണ് ?വാര്ഡ് ഏതാണ്? വീട് നമ്പര് പറയൂ ?മണി മണിയായി ഉത്തരം തന്നു
ഞാന് അതെല്ലാം ഒരു കടലാസ്സില് കുറിച്ചെടുത്തു എന്നിട്ട് എല്ലാരും കേള്ക്കെ പറഞ്ഞു ശരി നിങ്ങളെ 6 വര്ഷത്തേക്ക് പാര്ടിയില് നിന്നും പുറത്താക്കിയിരിക്കുന്നു ഇനി കൊണ്ഗ്രസ്സാണ് കോടച്ചക്രമാണ് എന്ന് പറഞ്ഞു ഈ പരിസരത്ത് കാണരുത്
അവന് പോയി ഞാന് പറഞ്ഞു വരുന്നത് അതല്ല നമ്മള് പാര്ട്ടിക്ക് അകത്താകട്ടെ പുറത്താകട്ടെ ഇത്രയും ജനാധിപത്യ സ്വാതന്ത്ര്യം അനുവദിക്കുന്ന പാര്ടി വേറെ ഏതുണ്ട് നമ്മുടെ നാട്ടില് ആകയാല് എല്ലാ കുറവുകലോടെയും ഞാന് എന്റെ കൊണ്ഗ്രസ്സിനെ സ്നേഹിക്കുന്നു മുസ്ലീം ഹജ്ജിനു പോകും പോലെ ,ക്രിസ്ത്യാനി വിശുദ്ധ നാട്ടില് പോകും പോലെ ,ഹിന്ദു തിരുപ്പതിക്ക് പോകും പോലെ കൊണ്ഗ്രസ്സില് ഞാനെന്റെ 3 രൂപ അംഗത്വം പുതുക്കികൊണ്ടേ ഇരിക്കുന്നു
No comments:
Post a Comment